專欄

【不問價追】5G股仲有映客

上星期同大家分享過好多唔同股票, 中美談判後中方傳出來係傾得幾好, 跟住下半個月有咩潛在利好? 第一, 梗係美國同北韓和談, 傾得好就安倍會提名特朗普拎和平奬。北韓之後就MSCI 納入因子, 若果真係由5%提升到20%, 個市料有更多水流入, 大摩唱好港交所, 唔通提前放水同大家講納入因子會提升, 嗱, 呢個就等大家去估啦。

上星期五同大家推價洛鉬(3993), 早前公司收購世界級銅鈷礦TENKE之後爆升幾倍, 係盈喜就見到公司銅鈷礦產銅量係鈷既好多倍, 所以點解股價跟足銅價走, 如果大家有留意新聞, 倫銅又升左87蚊, 即1.42%, 供求問題下, 未來銅價好大機會走高, 洛鉬隨時會熱炒。講左咁耐重溫, 今日有咩推介呢? 大家一定估唔到, 因為小炒王選返映客(3700), 係高位回左少少落來, 週末時間, 小炒王更深入研究一下, 發現唔出不問價去追都唔得, 因為實在太有POTENTIAL, 絕對係圍賭5G新一輪既新梯隊。

先講大家認知既映客, 當然係直播平台, 有D靚仔靚囡唱下歌, 表演下跟住就有好多人打賞, 去到抖音短視頻年代, 的而且確係有影響力, 係映客中期業績度都睇到, 市場生態有左微妙既變化, 未深入業績去講之後, 前講下映客既變化。

2017年映客5.0時代, 映客打出新娛樂既口號, 新娛樂係咩, 就係將一切娛樂方式視頻化, 簡單講就係抖音、快手模式。2018年6.0時代, 就係直播+社交, 多左個朋友圈功能, 即係有D似INSTAGRAM STORY 同WECHAT 朋友圈既混合板, 咁去2019年7.0時代, 再加強社交同互動功能。呢個變化只係從直播平台加多左社交功能, 係一件好事, 不過唔係小炒王睇中既野。

係今年1月25號, 國內知名移動互聯網大數據監測平台Trustdata發布了《2018年中國移動互聯網行業發展分析報告》(下稱報告)。報告指出,2018年,移動互聯網歷經洗禮,資本從狂熱轉向冷靜,共享單車悄然落幕,短視頻不再新鮮,社交鮮有新鮮事。時間漫過2018年,5G蓄勢待發。萬物互聯篇章徐徐拉開。係份報告入面, 小炒王發現左映客既投資價值。

首先, 就係留唔留得住用戶, 根據Trustdata報告顯示,映客作為頭部直播平台的優勢表現明顯。進入2018年下半年,映客直播用戶的粘性走勢穩步提升,更是在11月中下旬迎來39%的峰值, 映客成功站穩直播行業第一梯隊。

小炒王可以簡單講下, 做平台既最緊要用戶, 留得住用戶既平台, 最後一定成為皇者, 大家試想一下騰訊, 就係靠QQ轉型到微信先有咁戲劇性轉變, 跟住再從衣食住行各方面發展, 先有今時今日幾萬億既市值。

跟住戲肉就來了, 乜野留得住觀眾, 當然唔係用錢, 回顧返TASTY 過去既發展, 一定係靠內容, 而做好內容係一個平台發展最核心既因素, 所以小炒王無時無刻都諗緊點提升TASTY 既質素, 定期為大家推供新野。 去返映客, 當然係搞返自己既內容, 例如18年11月開播既《歌手的誕生2》, 搵左巫啟賢、李斯丹妮、胡夏等坐鎮指導,在直播間現場發掘“好聲音”。又例如映客音樂頻道為例,已完成打造城市街頭音樂live show,舉辦《街頭Ying發聲!》,每場活動均安排兩位主播實時PK,以全站資源打通線上線下相融合的造星路線。以前成日追日韓節目, 近年來內地節目可能因為投入大左, 節目做得幾好睇, 映客深耕自家內容, 小炒王覺得有小小NETFLIX (奈飛) 味道。綜合去睇映客呢個平台, 由傳統UGC (用戶產生內容) 再加埋自家製既內容, 最簡單講就係一個電視台, 好簡單睇湖南衛視一個好聲音既節目, 就知道D廣告費億億聲, 未來映客大力發展to B 既業務時, 大家就會明白個潛力會有幾勁。

低迷時期上市 估值極低殘

而從股票角度, 映客係18年7月以3.85元上市, 當時貿易戰正式開始, 基本上市場估值已經受到影響, 在上市那刻已經有不少評論表示映客估值低, 折價上市, 更有不少文章乘機一沉百踩表示映客面對既最大隱憂是用戶量下跌, 並解釋左折讓有理。


用返IPO時的數據, 映客過去三年連續盈利,2015年、2016年及2017年,映客經調整純利分別為人民幣150萬元、人民幣5.68億元及人民幣7.92億元。按目前3.85港元的定價,映客總市值約77億港元,折合人民幣不超過65億元。按2017年淨利潤計,PE僅為8倍出頭。作為科技股, 直播平台既第一梯隊, 呢個股值係極不合理的一件事, 生不逢時是最大既主因, 貿易戰及縮表陰霾下, 很多股票也跌了7,8成。

基金解禁先有平貨

而公司上市過左半年禁售, A+輪進入的投資者昆侖萬維自家的因素開始減持, 所以股價有一個低點出現, 就是近期做過的52低位1.72, 其後股價因為斗魚等上市消息帶動反彈。週五映客收報2.15元, 市值44.31億, 估值上比上市時腰斬。當日上市時, 市場已經覺得映客估值平, 存在折讓, 現時股價跌下來, 只能說是平上加平, 加上近日市況回暖,  對小炒王來說, 不問價追的機會來了。

下半年用戶數據靚爆 估值被市場錯殺

小炒王上文同大家分享過TRUSTDATA報告, 映客下半年用戶粘度回升, 每月活躍用戶(MAU) 及每日活躍用戶(DAU) 數據顯著轉好, 估值明顯上被市場嚴重低估。近日阿里宣布透過子公司淘寶中國入股動畫及遊戲視頻網站嗶哩嗶哩(B站)約2,400萬股, 持股比例佔B站約8%, 成最大股東, 科網大佬舉動反而提升行業股值。唔講大家可能唔知, B站係映客既基石投資者, 短視頻直播平台與二次元的結合係大勢所趨, 例如快手收購A站,旨在將“百萬猴子”與快手老鐵用戶整合在一起。

跟B站合作 1+1>2

B站與映客協作,可以深挖二次元直播的變現潛力。2017年B站直播收入直播只有7%,一季度大幅增加151%,成為增速最快的業務,借助於映客的主播資源和直播變現能力,這部分收入可以加速提升;反過來,B站可以進一步提高映客直播業務的營收能力,一季度B站月活躍用戶數達到7750萬,同比增長35%,移動端月活占比82%;一季度月均活躍付費用戶250萬,同比增長190%,用戶基數不小,更重要的是付費習慣已養成,這對於映客直播變現來說可以直接利用。小炒王相信長遠來講, B站與映客係會帶出 1+1>2的效應, TrustData 報告透露到一點。

CFO換人 新時代來臨

文章早前提過, 國內科技股投資大佬的昆侖萬維近日在減持映客, 今天主力來自摩根士丹利的沽盤很大機會來自他們, 晚上公司發出公告, 表示首席財務官辭任, 大家要知道, CFO最大用途是一家公司睇數既把關人, 隨住昆侖萬維的減持, CFO 的請辭是十分合理的。接下來看, 誰會成為新的CFO, 那很大機會為未來映客前景提供更多的線索。

不問價追到了最後, 相信好多人都期待住目標價, 今次小炒王給映客既首個目標係3.85元IPO 價, 中長線看會引入阿里或騰訊等巨頭爭奪, 如果未來幾年維持到呢個用戶既粘度增長, 小炒王5-10倍目標係同B站虎牙等股值睇齊, 保守估200-300億市值,  因為5G年代就係視頻平台走上高峰的一個時代, 現時點睇映客都係超值, 一句到尾, 不問價建倉。